Þessi kemur svo sannarlega á óvart, létt og ljúffeng en samt eithvað svo rosalega jólalegt við hana og ég mæli eindregið með henni í helgarkaffið. Kremið er líka alveg hrikalega gott. Það má sleppa eplamaukinu og setja þá í staðinn bara 1 bolla af olíu.

Uppskrift

• 3 egg
• 1/2 bolli olía
• 1/2 bolli eplamauk
• 3/4 bolli sykur
• 3/4 bolli púðursykur
• 2 1/2 bolli hveiti
• 2 tsk vanilludropar
• 1/4 tsk lyftiduft
• 2 tsk matarsodi
• 1 1/2 tsk kanil
• 1 tsk salt
• 1/2 tsk 
• 2 bollar rifinn kúrbítur ( rifin eins og hver og einn kýs, ég vil hafa hann gróft rifinn) 

Kremið

• 220 gr rjómaostur 
• 1/4 bolli smjör 
• 3 bollar flórsykur
• 1 tsk vanilla

Aðferð

Byrjið á að hræra sykrana og eggin saman þar til blandan er létt í sér. Bætið næst við olíu og eplamaukinu, svo hveitinu og restini af hráefnunum. Bætið kúrbítnum við í lokin og hrærið hann í með sleif. Setjið í smurt form ég nota 20*20 en það má alveg vera aðeins stærra hún verður þá aðeins þynnri bara. Setjið hana í forhitaðan ofn 170-180 gráður og bakið hana í 40-50 min eða þar til prjón stungið í miðju kemur hreinn út.

A meðan kakan kólnar er kjörið að hræra saman kremið setjið öll innihaldsefni í skál og þeytið vel saman. Smyrkið á kökuna þegar hún hefur kólnað gott að strá smá kanilsykur yfir hana þegar kremið er komið á .